Joekskapel Sjiengele Boem

Joekskapel Sjiengele Boem

De 40 jaar oude (jonge) joekskapel maakt muziek en brengt sfeer bij een groot aantal evenementen binnen en buiten de stadsgrenzen;

Sjiengele Boem repeteert iedere dinsdagavond in Ut Tref.

In Ut Tref

In Ut Tref halde weej eeder waek rippetisie, en ens in de twieë waeke kump Sef Gubbels, dae ôs met unnoemelik vuul gedöld probeert muzikaal ein bietje beej te schave. Weej hebbe dan auk wörkelik deep respek veur Sef, want de snaps neet det eemus de mood op kin bringe um veur zô’n stel te gaon staon en ut dan auk nog veurmekaar kriég de gansen handel netjes te laote träöte!

Waat doon weej zoë ut ganse jaor door?

Wie gezag eeder waek rippetisie, van 1 jannewari wies 31 december. ’s Zomers halde weej rippetisies met zônder instrumente op ein terrasje örges in de stad, zoëdet weej toch ôzze kwats kwiét kinne waere. Optraejes hebbe weej gans ut jaor, ut zwaortepunt leet vanzelfspraekend in de vastelaovestiéd, maar auk boéte daen tiéd zien weej op diverse plaatse te vinde.

Ôzze naam

Ôzze naam hebbe weej ôntliënd aan eine Venlose vastelaoves-schlager oét 1956 van de gebreurs Sef en Lei Hendrickx. Beide hiëre zien al geruume tiéd neet miër ônder ôs.
Aevel hebbe weej met de echtgenoëte van d’n hiër Sef Hendrickx ein innig kôntak gehad. Jaomer genôg is mevrouw Hendrickx ôs in 2008 auk ôntvalle. Zeej waas ein ziër aimabele dame op respektabele laeftiéd, en ware zien d’r gruuëts op det weej eur beschermvrouw van ôs kepèl meugde neume.

Meer informatie vindt u op www.Sjiengeleboem.nl